- 655 -

1439. Jan. 17. Breslau.

Albrecht, Römischer König verleiht der Stadt Liegnitz das Privilegium, mit rothem Wachs siegeln zu dürfen.

Wir Albrecht von gotes genaden Romischer kunig, zu allen czeiten merrer des reichs vnd zu Hungern, zu Beheim, Dalmacien, Croacien etc kunig vnd herczog zu Osterreych bekennen vnd tun, kunt offennbar mit dysem brieff allen den, die in sehen oder horen lesen, das wir haben angesehen getrewe willige dienste, die vns vnd der crone zu Beheym vnsere lieben getrewen burgermayster, ratmanne vnd burgere der stat zu Lignicz in den vorgangen leuffen vnd kriegen zu Beheim offt getan haben vnd vns furbasser tun sollen vnd mögen, vnd haben in darumb mit wolbedachtem mute, gutem rate vnd rechter wissen dise besundere genad getan, gegunnet vnd erlaubet, tun gunnen vnd erlauben in von Romischer vnd Behemischer kuniglicher macht in crafft disz briefs, daz dieselben burgermaister vnd ratmanne zu Lignicz furbassmer zu ewigen zeiten alle irer stat brieue mit rotem wachse vorsigeln mogen vnd sollen von allermenigclich vnangesprochen vnd vngehindirt. Mit vrkund disz brieffs versigilt mit vnserer kuniglichen mayestat insigl. Geben zu Breszlaw nach Crists geburd vierczehenhundert jare vnd darnach im newnvnddreyssigistem jare, an sand Anthonientage, vnser reiche des Hungerischen etc., im andern, des Romischen vnd Behemischen im ersten jaren.

Ad mandatum domini Regis, domino S. Cancellario referente, Marquardus Brisach.

O. d. St. L. No. 364. Das Siegel an Schnüren von schwarzer und gelber Seide. — Bitschens Privilegb. f. XXXIV.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866